Home   |   Kontakt   |   Werbung   |   Team   |   Links   |   Newsletter
 
Musik nonstop
Jetzt läuft:
Stefanie Hein… | My Man Is A M…

Janik Lanz

Volontär Redaktion


Ufgwachse bini im schöne Dorf Zäziwiu. Nach mire Schueuzyt dert, hani z Zähte Schueujahr z Urselle gmacht. Abem Ougste 2012 hani z KV z Münsige glehrt. Nach mim Lehrabschluss im Summer 15 hani bis i Summer 19 dert dörfe im Lehrbetrieb blibe u Bruefserfahrig sammle. Scho früech hani mi für Sport chönne begeistere. Nacheme Jahr im Ischhockey bini de zum Unihockey gwächslet. Nach dä Juniore bis Zäziwiu u dä Tigers Langnou bini de zu Chonufinge gwächslet.

Äs het öpis müesse gah u drum hani mi fürne Job-Wächsu entschide. Z Praktikum bim neo1 isch da grad zur richtige Zyt usgschribe gsi. ‚I siig ä Schnurri‘ oder ‚Beni Turnherr‘ hani mir öppe müesse la säge. Das u dr Fakt, das i mi säuber sehr für z Gscheh uf dr Wäut intressiere, heimi schlussäntlech derzue bracht, mi für das Praktikum z bewärbe. Ä Schritt woni bis hüt nid beröie! Näbem Schaffe hüt, bini no geng i dä Unihockey-Haue ungerwägs - bi Chonufinge i dr 1. Liga. 

I mire Zuekunft wetti gärn witer Fröid am Job u am Sport ha. Viu spannends zäme mit mine Fründe u mit mire Familie erläbe u de isch äs grosses Zieu vo mir no ga z‘Reisä. Wo u für wie lang, das weissi aber no nid.

»Mail an Janik senden

  • Das aktuelle Sportbulletin:

     

    Das aktuelle Newsbulletin: